Ueli 1876 - Jubiläums-Bryysdrummle

Zer Fyyr zem 150-jöörige Bestoo vo de Ueli 1876, lade mir zem erschte Ueli Brysdrummle syt 2007 yy.

Am 9. Jänner 2026 findet im Zic-Zac e traditionells Basler Brysdrummle – wie me das scho 1876 gmacht hett – statt. Ab 18.30h mässe sich Basler Drummler und Drummlerinne uff dr Biihni im Zic-Zac mit Glychgsinnte und zelebriere d'Basler Drummelkunscht uff heggschtem Niveau.

WICHTIGS ZEM YYTRITT:
S'Jubiläums-Bryysdrummle effnet d'Diire am 17.30 Uhr. Bitte nutzed d'Garderobe (koschteloos, unbewacht) vor Ort und sitzed nach em Yylass glyy aane. D'Plätz sinn nid nummeriert. Es bestoot Saalservice fir Geträngg und Ässe.

Es hilft uns, wenn s'Dringge rächtzyttig bstellt wird, dermit mir d'Bryysdrummel-Konkurränz pingtligg am 18.30 Uhr staarte könne. Ab 20.00 Uhr wird s'Ässe im Saal serviert.

Mir bedangge-n-ys fir's Verständnis, dass während dr Konkurränz kaini kurze Rauch- oder Toilettepause vorgseeh sinn, und bitte, die uff d'Pause z'leege, zem e ryybigsloose Ablauf könne z'gwäärlaischte.

Während de Ufftritt vo de Konkurränte und Konkurräntinne bitte mir, dr Lärmpeegel uff e Minimum z'reduziere.

Uffgrund vo-n-ere stargge Nussallergie vo-m-e Konkurränt bitte mir dringendscht, uff jeglichi Nussprodukt oder Produkt mit Nussinhalt z'verzichte!

Zyttplan (ungefähr)

• 17.30 Uhr - Türöffnig
• 18.30 Uhr - Start Bryysdrummle
• 20.00 Uhr - Beginn Service Ässe
• ca. 00.30 Uhr - Rangverkündigung

Billijee
Fir's Ueli 1876-Jubiläums-Bryysdrummle gitts 4 Kategorie

• Kategorie Galerie
  25 Frangge pro Persoon
  Inbegriffe isch dr Zuetritt in Stehplatzberaich uff dr Galerie ohni Ässe. Es ka speeter Finger-Food bstellt wärde. D'Sicht uff Biihni isch unter Umständ lyycht yygschränggt. Es hett e Bar, e paar Barhogger und Stehtisch.

• Kategorie Saal
  65 Frangge pro Persoon
  Inbegriffe isch e Sitzplatz im Saal und e feyns 3-Gang Menü. Es gitt kaini Tisch- oder Stuehlnummere.

• Kategorie Sponsoore-Tisch
  750 bis 1000 Frangge pro Tisch
  Es gitt zwai Achter- und drey Säggsertisch zem kaufe. Inbegriffe sinn säggs oder acht Sitzplätz am-e reservierte Tisch inkl. 3-Gang Menü und 2 Fläsche Wysse an de Säggsertisch oder 3 Fläsche Wysse an de Achtertisch. Mit em Kauf vom-e ganze Tisch laischtisch e Sponsorebyytraag an dää Oobe.

• Kategorie Säggsertisch
  390 Frangge pro Tisch
  Es gitt Säggsertisch zem kaufe. Inbegriffe isch e reservierte Säggsertisch inkl. 3-Gang Menü.

Dr Kauf vo de Yytrittsbillijee erfolgt digital iiber Eventfrog. Es bestoot au d'Meegligkait, bi Orell Füssli dr Vorverkauf z'nutze. Si schaffe mit Eventfrog zämme.

Bitte bring dy Billijee ussdruggt oder iiber d'App «Eventfrog» mit. Dr QR-Code muess vollständig abbildet syy. Jeede QR-Code isch nur aimoll gültig. Ooni gültigs Billijee könne mir kai Yylass gwäähre. Nach dr Yygangskontrolle bikunnsch denn e Bändeli.

Menü
Sälbschtverständligg beruggsichtige mir gärn dyni individuelle Ernäärigswintsch (vegetarisch, vegan, laktose- oder glutefrey) und beachte dyni Allergie. Bitte deponier bim Service dy Aaliige und dail's mit, falls e vegetarischs, vegans oder glutefreys Menü benötigt wird.

Ueli 1876 - Jubiläums-Bryysdrummle
Ueli 1876 - Websytte

afficher moins