Liebi Lüt🎩
Wie am Titel vom Flyer chasch entneh📜 wirds bald wiedermal öppis z’fiire geh🎉 Zum Geburii vo Labil mit Stil, em Ron undem Timii hemmer e einzigartigi Location usegsuecht und buecht🔍 damit mer a dere Sause chönnd uslebe eusi Flause ohni Pause💥
Mir werded es exklusivs Erlebnis betriibe wo allne wird in Erinnerig bliibe✨ Dasmal a de Platteschiibe sind de Yann Ahven🔥 und de INUIN🔮 sowie eusi d'Labil mit Stil-Crew😵💫 mitem Alanor, Köhler, Nickster, Sandman und Baba Ganouj wo eu musikalisch werded dur d‘Nacht triibe🎶
Wennd verchleidet chunnsch derfsch a eusem Gwünnspiel teilneh🎟️ wases wird z'günne geh wirsch denn gseh😉
Öb chunnsch als König ufeme Thron👑 oder mitbringsch dis glänzige Megafon📣 überlömmer ganz dinere Interpretation💭 Drum tuen di eifach chli kreativ ustobe👨🎨 spezielli Outfits erprobe🦹 und schmeiss di i dini glitzernsti und glanzvollsti Lieblingsgarderobe👘
Infos:
- 🎟️ Hol der dis Ticket etz wel: De Gschnäller isch de Gschwinder mit Glanz & Zylinder✨🎩
- 📍Wird churz vorem Event per Mail kommuniziert, aber mir hennd eus nöd z'wiit use verirrt und a de Stadt Züri orientiert
- 🎶 Yann Ahven, INUIN & Labil mit Stil Residents
- 👘 Glänzend/ Uffällig, Zylinder oder eifach eifach was der gfallt🏵️
Mir freued eus uf Eu♥️
Ron & Timi & Labil mit Stil-Crew😵💫