Sketches, Musig und wahri Begäbeheite us em Technikerläbe, präsentiert im Vogelchäfig und uf de Plattetäller, verziert mitere Quätschkommode und anderem Geklimper.
Dave Karo isch s’neue Synonym, Akronym und Kardionym für herzverchehrendi Wortgymnastik und handläsends Puppespiil. Original klauti Lied-Teggscht woner selber umgschribe hät und Gschichte wo zwar ächt passiert, aber sooo komisch sind, dasmers chum cha glaube, ergäbed di totali «Wahnvorstellig».
Am Ziischtig, 23. September 2025 wird all das zum erschte Mal live präsentiert ade Premiere im MILLERs im Zürcher Seefeld ide Müli Tüüfebrunne.
www.millers.ch
Idee & Konzept: Dave Karrer
Dramaturgischi Begleitig: Dominique Müller
Vielen Dank an Mr.Green - das Recycling-Abo mit Herz - für das grosszügige Sponsoring!!!
