Liebi Fasnachtsfründe
Nachem erste Jahr ide neue MZH Aussergass sind mier parat für e fortsetzig. Die Alte Ziite sind zruckkehrt i neuem Modernem Glanz.
So dörfemer ih de Mehrzweckhalle Aussergass eusi zweiti Fasnacht ihlüüte und fiired im gliche Momänt dä 50. Geburtstag vo de Fasnacht Grüenige.
Und das wämer natürlich nöd allei, sondern wie letscht Jahr mit eu allne zäme zelebriere.
Zerscht sind eusi Chliine drah und dörfet miteme coole Programm und vill Konfetti d Fasnacht starte.
Ahschlüssend startemer mit em Dämmerigsumzug dur s schöne Grüenige. S Städtli erwached und zeigt sich vo de schönschte Siite mit allem was dezue ghört ah de Fasnacht.
De Tag abgschlosse wir mit em legendäre Maskeball.
Es erwartet eu fäzigi Musig vo de Guggene und de DJ dörf natürlich au nöd fehle. Feini Drinks und öpis guets z`Ässe gits natürlich au. Fäschte bis ih d`Morgestunde isch garantiert.
Begrenzte Anzahl Tickets!!!
